శరణు గణేశా!
నిను ఎత్తగల నా తరమా ..??
గజానునుడివై నీవు ఉండ,
నిను లాలించ నా భాగ్యమా ..??
అంబాసుతుడి వై గారాలు పోతుండ,
నిను శాసించ నా ధైర్యమా ..??
"నీవు ఎంతనే" అహం నీవే దండించుచుండ,
మెండుగా కుడుములు నీకు నివేదించ నా వసమా ..??
కొండంత అండగా ఎదురుగా నీవు కూర్చుండ,
బలిమితో గాకున్నాచెలిమితోనైన నిను గెలువ వలేనని నే దీక్ష బూనిఉండ,
ఎటేట భక్తితో మా ఇంట శరణు గణేశానని వేడంగ,నిలుపంగా,కోలువంగా,
నన్నెంచి,హర్షించి ,కరుణించి "నీవుగా దయతో" నను బ్రోవుటకు తరలి రాకున్న,
నిన్నూ మెప్పించ నా శక్యమా..? లోకనాయక ! ఓ గణాధిపా .
^^^శరణు శరణు గణేశ,రక్ష రక్ష గణేశ^^^
-RSR-
No comments:
Post a Comment